I' fåhr ned gern mit Öffis
Weu die Stimmung is‘ ned schee
Mir graust scho‘
Wånn i‘ nur die fad’n G‘sichter seh …
Dånn steig‘ i‘ afåch aus
Für a kurze Viertelstund‘
Nur a klaane Auszeit,
Dånn bin i‘ wieder rund …

[Refrain]
I‘ brauch die Bluesviertelstunde
Gånz allan mit mir
Die Bluesviertelstunde
Bis i‘ mi‘ wieder g'spia
In da Bluesviertelstunde
Låch i‘ mi söwa aus
Sie färbt das Leben blauer
Um eine Blues-Nuance

I‘ streit ned gern mi’n Liebsten
Weu die Stimmung is‘ ned schee
Und außerdem kummt’s teuer
Wenn i‘ dånn lump'n geh‘
Früh åm nächsten Morgen
Is‘ da Zorn in mir verstummt
Bitte gebt’s ma a Minut’n
Weu mir da Schädel brummt …

[Refrain]
I‘ brauch die Bluesviertelstunde
Gånz allan mit mir
Die Bluesviertelstunde
Bis i‘ mi‘ wieder g'spia
In da Bluesviertelstunde
Låch i‘ mi söwa aus
Sie färbt das Leben blauer
Um eine Blues-Nuance

[Bridge]
A komische Gemeinschåft
Wo’s ålle einsåm sind
A gruseliger Zeitgeist
Den i‘ unsympathisch find‘
A biss’l mehr pomali
Für uns ålle war des g’scheit
Weu fia die Bluesviertelstund‘
Brauchst a Viertelstunde Zeit …

[Solo]

I‘ schau die Zeit im Büd ned
Weu die Stimmung is‘ ned schee
Die hålbe Wöt g’hört fufzehn Leut‘
Des kånn i‘ ned vasteh‘ …
Håst aan Skandal verdaut
Is‘ scho' da nächste nimmer neu
Die Bluesviertelstunde
Geht går nimmer vorbei …

[Refrain]
I‘ brauch die Bluesviertelstunde
Gånz allan mit mir
Die Bluesviertelstunde
Bis i‘ mi‘ wieder g'spia
In da Bluesviertelstunde
Låch i‘ mi söwa aus
Sie färbt das Leben blauer
Um eine Blues-Nuance